Erro en cursor de Oracle (missing right parenthesis)

Nalgunhas ocasións ao ter que actualizar un feixe de filas dunha táboa (ou varias) é necesario facer uso dun cursor para poder facer os cálculos pertinentes e poder acadar o resultado desexado

Levo anos usándoos e nunca tivera este problema (sí moitos outros), o caso é que ao executar o PL/SQL dame un erro ORA-00907 missing right parenthesis na definición do cursor.

Revisando o cursor vexo que a consulta está ben e se executa sen problemas fora do cursor, a consulta é a seguinte



Se lle quito a parte do order by o cursor se executa correctamente, pero necesito ese order by, buscando por internet cheguei a esta páxina onde comentan que os parénteses non son necesario, efectivamente quitando os parénteses xa funciona, pero nunca antes me tivera pasado e sempre os usaba por unha cuestión de claridade e lexibilidade do código

En fin por se vos serve de axuda

Cambiar o contrasinal de tareas programadas

No meu traballo teño que programar tarefas nun servidor Windows co meu usuario. Nas políticas de seguridade da empresa establéces que cada tres meses caduquen os contrasinais, o efecto é que cada tres meses teño que cambiar o contrasinal das tarefas programadas deste servidor

Se foran unha ou dúas non habería problemas, pero chegado o punto de ter algo máis de 30 tarefas programadas faise engorroso este traballo, co que me propuxen automatizalo todo o que puidese

Buscando por aí vin que hai unha evolución para o comando at que é schtasks, dende este comando podo cambiar os parámetros dunha tarefa, en concreto co parámetro /RP, e tamén podo listar as tarefas que hai, co que agora xa só queda poder facer un bucle que execute o comando para cada unha destas tarefas

Como no vrao me propuxen aprender python velaquí tedes o meu script para cambiar o contrasinal dunhas tarefas nun equipo remoto dun xeito sinxelo, hai outro xeito de cambiar as tarefas programadas pero pareceume máis complexo


Agardo que vos sexa de utilidade ;-)

Se lo que estás pensando (Libro)

4 sobre 5

Se lo que estás pensando é o primeiro libro de John Verdon sobor o detective retirado David Gurney.
Un amigo (máis ben un coñecido da universidade) do detective pídelle que lle axude con algo raro que lle está a pasar, mandáronlle unha nota na que lle dicían que o coñecían tan ben que serían quen de adiviñar un número que pensase entre o 1 e o 1000. E sí que o adiviñou.
A partir de ahí a trama vaise complicando ata ter un caso moi complicado que só David Gurney é quen de resolver

O libro é moi doado de ler, e parte dun misterio aparentemente moi complicado de resolver. O xeito en como vai desleando o misterio, a relación coa súa muller, coa axente artística e os outros policías envoltos no caso están moi ben resoltos e danlle moita axilidade ao libro

Gustoume moito, non é unha novela con moitas pretensións pero se che gusta o xénero de detectives e intriga hache gustar.

Non me extrañaría que nun futuro veramos a David Gurney nos cinemas de medio mundo

Se queredes podedes ler un capítulo da novela dende a súa web (tamén das novelas posteriores)

Lista de desexos

Levo tempo querendo levar unha lista das cousas que vexo e que me gustan para algún día mercar / facer (pode ser algo coma montar un entorno para análise de malware :D), pero non atopei nada que me axudara a levar esa lista, ata que pensei que podería deixalo nun post e así telo sempre a man

Vou empezar polos cacharros que me chaman a atención e que me gostaría ter (algúns son mutuamente excluintes)

• Xtreamer SideWinder: un reproductor multimedia moi potente que ten moi boa pinta (tamén me vale calqueira dos de gama superior)
• Rasberry Pi: un mini ordenador pensado con fins educativos, pero que polo prezo (25$-35$) fíxose moi popular e pode servir como reproductor multimedia ou o outra cousa
• Minipwner: un cacharro que permite conectarse a unha rede e snifar o tráfico ou facer un portal cautivo e máis cousas :D
• Reproductores multimedia (importante a opción de subtítulos): en dealxtreme teño varios aos que lle botei(con TDT incluso) o ollo, tamén en Carrefour hai algún interesante

Seguimos con libros, teño o e-book de Sony sen Wifi, co que unha actualización ao novo e-book de Sony ou incluso ao Kindle (por prezo) non estaría mal, inda que iso xa é vicio :P

• SQL Injection
• Hacking con Buscadores
• Máxima Seguridad en Windows
• Juego de tronos
• Snow Crash

Agora películas/series que quero ver (entre outras moitas pero non quero ter listas moi grandes)

• Mad Men
• Revolution
• Drive
• Cinema Pardiso
• La lista de Schindler
• Los siete samurais
• Cisne negro

Tiña pensado por un apartado de música, pero realmente non quero posuír a música, senon poder escoitar música, e hoxe en día coas opcións dispoñibles para min é suficiente :D

Algunhas cousas que quero facer relacionadas coa miña formación

• Aprender python
• Aprender a analizar malware
• Mellorar os meus coñecementos de seguridade informática

Proxectos persoais

• Montar un laboratorio no trasteiro ... hai que levar internet ata alí e logo instalar os equipos :D
• Montar unha centraliña ip na casa (supoño que algún asterisk)

A ver se pouco a pouco vou tachando cosas e engadindo novas (sería o ideal inda que o dubido :D )

Entrada truncada a X caracteres en Oracle

Se algunha vez ao lanzar un proceso pl/sql dende sqlplus te atopas con algún erro similar o que deberías facer é buscar algún espacio ao comenzo da liña, algúns editores manteñen o último identado que fas co que se che pode escapar, por exemplo

DECLARE
declaración variables ...
BEGIN
código do pl/sql
 END; -- aquí temos un espacio antes do END
  / -- aquí outro espacio antes do fin do ficheiro

Neste caso, na versión 8i este código podería non executarse correctamente e dar un erro similar ao do título do post. O caso é que na versión 10g non parece funcionar igual xa que o mesmo ficheiro executado co sqlplus 8i e o 10g no primeiro non funciona e no segundo sí

Agardo que vos sexa de axuda

Post móbil

Pois iso, probando a edición dun post en blogger dende o meu móbil

Parece que a cousa non vai mal, agora en negrita

¿Cómo comprobar se falta algún elemento dunha lista consecutiva?

Levo un tempo entrando no proceloso mundo dos DW, e para iso hai que comezar coa fase de ETL, nesas andaba cando deime conta que necesito verificar se os datos foron cargados correctamente, como non ando moi ben de tempo o que fixen foi unha consulta que a lo menos me diga se me falta algunha data por cargar, logo habería que verificar que nesa data se cargaron todos os datos (inda que tal e como o teño montado se me falla algún dato debería fallar todo o día)

Logo de botarlle unha pensada lembreime da pseudocolumna rownum (distinta do rowid), e pensei que podería serivirme para conseguir unha lista de días  e machealos contra as distintas datas da miña tabla, a consulta resultado é a seguinte



É unha consulta moi sinxela, pero a min polo momento me funciona e coido que pode ser de utilidade

Un saúdo

Sobor da lei Sinde

A non ser que leves meses sen conectarte a Internet ou sen ver os telediarios, estou seguro que saberás o que é a lei Sinde. Non quería deixar de escribir o que penso sobor do que tentou facer o goberno, inda que penso que hai moitos outros que o fan mellor ca min.

De entrada temos un problema, os lobbys de xestións de dereitos queren recadar máis cartos, non se lles ocorre outra maneira que dicir que calqueira soporte no que se poida almacenar un ficheiro é susceptible de almacenar música "ilegal", co que temos que gravalo cun canon (este sí que ilegal), e así nestes reis nos que probablemente terás mercado algún mp3, reproductor de dvd, cámara de fotos ou case que calqueira aparello tecnolóxico, unha parte desa recadación automáticamente irá para eles, xa que todos somos culpables a priori

Con estes antecedentes non chegaba, chegou EEUU, sustiuiron ao ministro de turno e nomearo a outra peor, pensaron que o que tiñan que facer era domiñar esas webs que gañan millóns de euros (hai que ser ignorante para pensar iso), e non podían agardar que un xuiz pechase a web coa que estaban a perder esas millonadas, co que o mellor era que unha comisión dependente de cultura puidese pechar esas webs cando lles petara (uhhhmmm, liberdade de expresión?, presunción de inocencia?, bah, non importan) e asi meteron na Lei de Economía Sostible unha lei que permitía facer isto. Armouse a de Troia, toda internet botouse á rede para que non saíra adiante esta lei, e mira ti por onde que o acadaron, logo veu a reunión con Alex de la Iglesia e así estamos ata agora

Eu coido que con estes movementos o goberno non fai máis ca o ridículo, se se adicase a buscar solucións á crise, sen axudas de quita e pon, sen movimentos para a galería, a todos nos iría moito mellor. Tentar limitar as descargas en internet é unha quimera, Francia e Suecia xa o están comprobando. Non ten senso que a propiedade intelectual se sustente nun ficheiro dixital, a propiedade intelectual é algo distinto, se a xente se descarga estes ficheiros é porque o que lle dan os artistas nun CD orixinal non vale máis pero sí que o cobran por máis, se queres gañar cartos ofrece algo mellor a mellor prezo, ou fai máis concertos, o directo é algo (a día de hoxe) insustituíble. Se queres cobrar menos polos cd's e seguir a gañar o mesmo elimina intermediarios que non aportan nada, só aumentan o prezo do producto final. Os internautas están dispostos a pagar por contidos de calidade a un prezo razoable, só hai que saber escoller o teu modelo de negocio e implantalo

Asemade tamén é xusto suliñar que non todos os artistas están a favor desta lei e que os hai que teñen senso común, inda que sexa unha excepción

PD: son moi interesantes as ligazóns dos artigos referenciados, merece a pena botarlle unha ollada nestas dats de vacacións

A Lei de Economía Sostible

Este martes 21 de septiembre de 2010, se acaba el plazo para que los grupos parlamentarios puedan aportar sus enmiendas a Ley de Economía sostenible y, con ella, la Disposición Final Segunda (anteriormente Disposición Final Primera) o "Ley Sinde" que ataca los derechos fundamentales en Internet en favor de lobbies industriales que no quieren reconvertirse. La misma Disposición cuya retirada cientos de miles de ciudadanos y ciudadanas han pedido de todas las formas.

Recordamos además que esta Disposición se ha introducido de espaldas al propio parlamento: ha sido creada mientras una Subcomisión Parlamentaria estaba trabajando sobre la reforma de la Ley de Propiedad Intelectual. La Disposición final Segunda ha sido introducida en la Ley de Economía Sostenible sin escuchar las conclusiones de dicha subcomisión que propone una reforma en profundidad de la Ley de Propiedad Intelectual para encarar con seriedad y beneficio general los problemas generado por las innovaciones de la era digital. La disposición Final Segunda tiene que caer también porque representa un desprecio a la labor de los diputados que son los reprentantes de los ciudadanos y ciudadanas de este país.

Queremos aprovechar esta ocasión para recordar a los diputados que la ciudadanía quiere que se desactive una ley que no ampara los derechos mínimos:

1. No se puede concebir una ley que afectan intereses particulares y no generales donde el juez no pueda entrar en el fondo del asunto, ofreciendo todas las garantías legales a los ciudadanos y emprendedores que están operando en Internet. Cerrar el acceso a un sitio Web puede devastar la economía de un pequeño y mediano emprendedor. Los ciudadanos no debemos asumir la reconversión de las Majors.
2. No se deben mezclar asuntos del orden de la competencia desleal, como puede ser lucrarse del trabajo de otro sin que esto repercuta sobre este último, con la libertad de enlazar, citar y compartir, que son la esencia misma de Internet, una herramienta crucial para el futuro.
3. Es inadmisible que se legisle en favor de un sector económico atrasado en su reconversión a expensas de los emprendedores que están ya implementando las oportunidades de la era digital. El ministerio de Cultura no está a la altura del alcance del problema. Ha invertido un tercio de sus recursos en Industrias Culturales y ahora necesita una Comisión nada imparcial para rentabilizar estos recursos, distorsionando el desarrollo normal de la economía cultural. Antes el ladrillo, ahora la copia. No reproduzcamos una burbuja de los contenidos de entretenimiento.

El respeto y la comprensión de las opciones que ofrece Internet son la salida de la crisis.

Firmado: Red SOStenible. La Red SOStenible somos todos. Si quieres adherirte a este texto, cópialo, bloguéalo, difúndelo.

Visto en microsiervos

Resolvendo un reto de inxeñería inversa

Navegando polos meus RSS cheguei a este post de cyberhades, nel falan dun reto de reversinglabs. Gústame moito todo o relacionado coa seguridade informática e teño visto moitos dos solucionarios de retos que había por ai, pero nunca me puxera a facer un eu mesmo, xa que estamos no vrao e o traballo descendeu bastante díxenme que ía botarlle un ollo a ver se seguindo o solucionario o daba solucionado. Cría que ía ser moi sinxelo, pero non o é.

Imos por partes, o primeiro é baixar o ficheiro do reto, é un ficheiro r.zip, o primeiro que fixen foi abrilo, e aparece unha carpetas R que se a abres ten dentro outro ficheiro r.zip e se o abres aparece outra carpeta r co seu ficheiro r.zip e así ata que te canses. Isto xa nos da unha pista de que hai gato encerrado co ficheiro zip, efectivamente tal e como se comenta no solucionario de CyberHades, o ficheiro zip e sensiblemente máis grande (30K) do que nos indica cando o abrimos 440 bytes, coma vemos na imaxe



¿Qué pasa entón? Algo fixeron no ficheiro para poder acadar esta situación, para poder comprobalo imos a ver as tripas do ficheiro, para iso necesitamos un editor hexadecimal, eu uso ICY Hexplorer, pero calquera valería. Se tes bo ollo poderías decatarte de que ao principio do ficheiro repítese un patrón



Ata que chega a un punto no que cambia a secuencia, e que comeza con 7z. Se non somos tan observadores simplemente se seleccionamos os 440 bytes primeiros do ficheiro e os eliminamos, o ficheiro que nos queda sería o ficheiro que nos interesa, neste caso ao comezar o ficheiro por 7z sabemos que é un ficheiro comprimido e procedemos a abrilo. Aqui aparécenos un ficheiro cab (ficheiros que usa Microsoft para empaquetar arquivos), que procedemos a extraer

Ata aqui todo resultou máis ou menos ben, agora imos á parte difícil.

A imaxe que ven con cab é unha imaxe png, ao abrila dende Windows da erro co Microsoft Photo Editor, co Paint vese unha cousa rara, e vese ben co Visor de Imaxes e Faxes ... está claro que a imaxe ten algo raro ... De tódolos xeitos o que non parece é que haxa nada raro no cab. Seguimos coa imaxe, ten algo raro, en canto temos unha imaxe e seguridade informática en seguida debemos pensar en esteganografía, polo tanto, a buscar programas de esteganografía na web, baixeis varios deles para atopar esa información oculta que busco (openstego, stegdetect), pero non atopan nada na imaxe e incluso dan erro. ¿Qué facemos agora? Pos imos ver a imaxe en bruto, unha vez máis co ICY Hexplorer, a abrimos e analizamos os datos que vemos







Analizando a estructura do ficheiro coa información da Wikipedia, vemos que hay unha sección que non coincide, a que comeza por pSWD, co que xa nos da unha pista do que pode ser, o tamaño que ten o campo é de 16 bytes (o 0x10 que hai xusto diante da cabeceira), co que o valor do campo é 538B327278BBAB654747288999FBCDA1, se eu fixera o reto probablemente tería chegado ata eiqui e esta sería a password que mandaría coma solución.

O caso é que o ficheiro cab que tiña a imaxe non só tiña esa imaxe, senon que gardaba algo máis (velaqui unha lección aprendida, non vaias ao rápido, analiza ben tódolos ficheiros) que en Windows non nos informa diso. Neste caso a xente de reversinglabs teñen unha ferramenta que nos pode axudar NyxEngine, que axuda a detección de esteganografía en ficheiros comprimidos, así que aló imos. Se executamos a ferramenta pasándolle o nos cab coma parámetro obtemos a seguinte saída

D:\NyxEngine\SDK\Bin\NyxConsole>NyxConsole.exe sf puzzle.cab
-- NyxConsole 1.0 from ReversingLabs Corporation --
www.reversinglabs.com

Usage NyxConsole [sf|sfi|vf|rf] InputArchive.ext

[x] Detected archive: CAB
[x] Total number of disks: 0000
[x] Current disk number: 0000
[x] Total number of files: 00000000
[x] Number of files in current disk: 00000001
[+] File 0000: ReversingLabs.png
Compressed size: 00000000
Uncompressed size: 0000739C
File starts on disk: 0000
Checksum: 00000000
[!] Detected steganography:
Steganography ID: 0x00000b
Description: Detected cloaked data in the archive header!
Rich Description: Unknown issue or no rich description!
[x] Detailed archive inspection:
[!] Detected steganography:
Steganography ID: 0x00000b
Description: Detected cloaked data in the archive header!
Rich Description: Unknown issue or no rich description!
Data start: 0x5a; Data size: 0x0000f6
[!] Detected vulnerability:
Vulnerability ID: 0x00000d
Description: Detected possible attack vector due to data block checksum not being set!
Rich Description: Unknown issue or no rich description!
Data start: 0x52; Data size: 0x000008

O que se ve no resultado é que se detectou data dentro do ficheiro cab que non corresponde co propio cab, indícanos onde comezan (posición 0x5a) eses datos e canto ocupan (0x0000f6, 246 bytes), pois nada, imos ao noso ficheiro cab aberto co editor hexadecimal e seleccionamos os datos que non se corresponden co ficheiro para crear o noso ficheiro, e obtemos o seguinte

UmFyIRoHAM6Zc4AADQAAAAAAAAA8MSAOyRZcWCVhcEFcUfpP4JdbtU2derwgjSYp+BpxVYkWJPDt
Q/TITifo4qO7qyYz+yLpd9+6nkwwxmomWHbHK0Bt6UPHOwL/pEKm6IGXo/5dioeP66Fq5brTldgi
Z7do5bbFjykQIsx6PMCBre4iUJ7jcwrwD2MDs69XwuuHL+fMKy9hDUJQPDEgDskWXFjp6jPWFXoW
VSNb4H1zjQpW

Curioso que tódolos caracteres sexan alfanuméricos, probablemente sexa algún tipo de codificación, a máis probable e base64, co que probamos a ver se ten sentido decodificalo, para iso uso esta web, inda que hai moitas dispoñible polo mundo adiante, o resultado é o seguinte

Rar! �Ιs��
�������

Huumm, comeza por Rar, vaia xa temos unha pista. gardamos o resultado coma un ficheiro con extensión rar, e ao abrilo pídenos un contrasinal. ¿Será o que tiñamos na imaxe? Vaia, pois non, contrasinal incorrecto. Ok, ¿qué máis podemos facer? Porbar se o contrasinal anterior é un hash MD5? Probar en minúsculas? O primeiro punto levaría moito tempo probablemente, lembra KISS, imos probar en minúsculas, voilà, abriunos o ficheiro, e aparécenos outro fichero file, sen extensión, o abrimos e aparécenos este texto

Password is: 9ec4c12949a4f31474f299058ce2b22a

Esta era a password que buscaban no reto, un reto moi interesante e relativamente sinxelo. A ver se dou feito algún máis e pouco a pouco poño as miñas solucións por aqui :D

Video nativo en HTML5

Non sei se tes lido algo acerca de HTML5, senon non pasa nada, a ide é que imos ter un novo estándar do linguaxe HTML na que a idea é soportar nativamente os elementos multimedia que hoxe en día están en case que tódolos sitios, por exemplo, vídeosl e audios, deste xeito non sería necesario ter que instalar o plugin de Flash para poder ver videos en Youtube ou en calqueira outra páxina. Pois ben, o caso é que o defensor do open source e da liberdade na rede Google quere usar o códec H.264, ¿te soa a chino? Pois ben, o caso é que este códec require do pago dunha licencia anual de 5 millóns de dolares,  ¿qué implica iso? Pois que para ver os videos en Youtube de forma nativa a empresa responsable do teu navegador debería ter que pagar ese diñeiro para que o poidas ver, e ti dirás, Google o pode pagar, Microsoft o pode pagar e Apple tamén, xa, pero Mozilla non, co que estaría en clara desvantaxe con respecto a estes todopoderosos o que frearía un dos proxecto que máis teñen feito por mellorar a nosa experiencia na rede. Mozilla aposta polo códec OGG/Theora, que é un códec de vídeo estándar e non habería que pagar nada por ela

¿Que podemos facer? Podes firmar unha petición para pedir que Youtube use un formato aberto

Mellor contado e con moita máis información por parte de ese fenómeno chamado txipi

Vivindo a vida

Well, I woke up this morning, I got myself a beer
Well, I woke up this morning and I got myself a beer
The future's uncertain and the end is always near

Roadhouse Blues, The Doors

Facilitando a vida mentres navegas

Teño que recoñecelo, son moi vago, e como son tan vago sempre busco a maneira de simplificar o que fago. Aparte de vago tamén penso que hai xente por ai que traballa arreo e que me poderá facilitar a vida. Hoxe vouvos contar o que fago para que a miña vida "on-line" sexa máis sinxela e levadeira

Cando te metes en Internet eu distingo varias "tarefas":

1. Informarte / actualizarte: pois iso, consultar ás últimas novas das páxinas que máis che gustan, poden ser xornais, blogs, portais de humor, mesmo youtube ...
2. Socializar: irte ao facebook a por a parir ao teu amigo, compartir algo cos teus amigos no facebook, mandar algún mail, twittear algo ...
   
3. Xerar contido: ben sexa publicar un post, subir fotos ou o que sexa que che apetece
4. Resaltar información: ben sexa ese artigo que queres ler máis tarde con calma, ou queres gardalo para telo máis adiante, ou é unha boa idea para regalar a un amigo

O que vos vou comentar está ben para min porque uso unhas aplicacións determinadas e uns servicios web tamén concretos, pero pode servirvos para pensar que probablemente poidades optimizar o tempo que pasades fronte ao teclado e así invertilo mellor no que realmente queredes facer.

Se sempre visitas os mesmos sitios a túa mellor opción será utilizar un agregador de feeds, básicamente servirache para ver se a páxina que visitas publicou algunha nova que non teñas lido e ofreceche o título da mesma e así escoller se o queres ler ou non, hai moitos agregadores, busca un pouco na web e proba varios para ver cal é o que se adapta mellor a ti, no meu caso uso Google Reader, dende aqui podes ver o que me vais gustando das miñas suscripcións. Para suscribirte deberás procurar este icono , e se premes nel levarache á páxina de suscripción. O que pasaba era que cando me gustaba algún sitio e quería engadilo ás miñas suscripcións tiña que ir ao Google Reader e meter ai a web, ben, podes usar un bookmarklet para engadir a suscripción dunha maneira sinxela, simplemente arrastra esta ligazón, Suscribirse, aos teus favoritos e así cando atopes unha páxina que che guste e queras seguila simplemente preme no favorito e che levará a Google Reader para que completes a suscripción. Outro bookmarklet que uso algunhas veces e o de compartir con nota, se non queres suscribirte pero queres compartir esa nova que atopaches podes facelo de igual xeito arrastra a ligazón anterior aos teus favoritos e listo :D

Ben, agora que xa reducimos o tempo de ver as páxinas que máis nos gustan imos falar un pouco cos amigos, se queres compartir algo en Facebook dunha maneira sinxela o propio Facebook ten un bookmarklet para compartir cousas, o podes ver se vas aos teus enlaces, aparece á dereita Compartir en Facebook. Outros servicios web coma Youtube, ou Spotify xa teñen a súa propia opción para compartir elementos directamente en Facebook.
Agora, para publicar algo en Twitter o que utilizo é o complemento de Firefox TwitterBar, o cal me permite actualizar Facebook dende a barra de direccións, se non usas Firefox poderías probar algún dos múltiples clientes que hai para Twitter, e logo despois so necesitas a aplicación de Twitter para Facebook para poder actualizar o estado de Facebook cada vez que actualices o estado en Twitter

Cando quero escribir un post o que fago é utilizar ScribeFire, é outro complemento de Firefox que me permite seguir navegando na mentres escribo nunha xanela debaixo do que é a páxina web en sí, o que me aforra tempo e faiseme moi sinxelo. Para subir as fotos utilizo picasa, ao ter unha conta en google é moi sinxelo e ademáis gústame a súa apariencia, aqui podes ver as miñas fotos

Finalmente cando atopo algunha páxina interesante e que coido que vou voltar a visitra a gardo nos meus favoritos, pero cunha particularidade, teño instalado o complemento de XMarks, que ten unha versión para Internet Explorer (dun xeito algo rudimentario pero que lle imos facer) para ter sincronizados os meus marcadores en distintos ordenadores e así non andar pendente de almacenar os teus marcadores no equipo de casa e no da oficina. Tamén utilizo outro complemento ReadItLater cando atopo algo que me interesa ler con calma e no momento non podo nese momento, polo que vexo na súa páxina web tamén pode instalarse para outros navegadores e para outros dispositivos, iso terei que probalo :D

Finalmente outra aplicación web que uso é Remember The Milk, moi útil se queres ter listas de cousas para facer (seguindo a filosofía GTD) ou para listas de desexos, películas favoritas ou o que se che ocorra, aqui podes ver algunha das cousas que me podes regalar ;-), como non tamén ten o seu bookmarklet para engadir unha tarea

Ao final saiume un bo chorretón de post, so agardo que a alguén lle sexa útil e poida facer uso dalgunha das ideas para facer a vida máis fácil

As leccións da vida (corroborando información)

Hoxe, tras o meu frustado asalto á riqueza, lembreime dunha reseña que lin no XL Semanal que falaba dunha señora de 90 anos que tiña un blog e que falaba das leccións da vida. Tras pasar un rato buscando a referencia decidín buscalo en Internet, e aparecen moitas referencias, metinme na primeira, a revista namaste, pero vexo que está en castelán e sen ningunha referencia ao orixinal (sabía que non era española) co que me mosqueou ... Entón fago outra cousa, vexo que as leccións na revista namaste están escritas por unha tal Regina Brett, a busco en Internet e cal é a miña sorpresa que aparece unha señora que non aparenta ter os 90 anos que se supón que tiña. Póñome a ler o que di e seica que as 50 leccións da vida escribiunas cando cumpriu os 50 anos alá na lonxana data do 2006 (WTF!), de feito na súa web xa avanza que non ten 90 anos

Ben, as súas leccións da vida seguen a ser tan válidas coma se tivese 90 pero xa lle quita un pouco de graza ao asunto ;-), de tódolos xeitos sempre antes de crer algo que les ou que ves na televisión, verifica as fontes, asegúrate de que é verdade o que din, non vale, o di o Telediario, no Telediario traballan xente coma ti ou coma min e todos metemos a pata, ten as túas propias ideas, non pasa nada senon son as da maioría ou se te levan a moitas discusións, se leal a ti mesmo e non te deixes influir polo que escoites ou vexas

O meu servidor de correo vai coma un tiro

De feito vai tan ben que recibo os correos antes de que mos envíen



Si é que non hai nada coma configurar ben as cousas ;-)

Manifesto "En defensa dos dereitos fundamentais en Internet

Ante a inclusión no anteproxecto de lei sobre a economía sustentábel das modificacións lexislativas que afectan o libre exercicio das liberdades de expresión, de información e o dereito de acceso á cultura a través de Internet, os xornalistas, blogueiros, usuarios, profesionais e creadores de Internet manifestamos a nosa firme oposición ao proxecto, e declaramos que ...

1. Os dereitos de autor non poden estar por riba dos dereitosfundamentais dos cidadáns, incluíndo o dereito á privacidade, a seguridade, a presunción de inocencia, á tutela xurisdicional efectiva e a liberdade de expresión.



2. A suspensión dos dereitos fundamentais é e debe seguir sindo unha competencia exclusiva do Poder Xudicial. Nin un peche sen unha sentenza. Este anteproxecto, ao contrario do disposto no artigo 20.5 da
   Constitución, pon en mans dun corpo non xudicial, un organismo dependente do Ministerio de Cultura, a potestade de poder impedir o acceso dos cidadáns españois a calquera páxina web.



3. A nova normativa vai xerar inseguridade xurídica en todo o sector tecnolóxico español, prexudicando unha das poucas áreas de desenvolvemento e futuro da nosa economía, dificultando a creación de empresas, introducindo barreiras á libre competencia, e trabando a súa expansión internacional.



4. A nova lexislación proposta ameaza aos novos creadores e dificulta a creación cultural. Coa Internet e os sucesivos avances tecnolóxicos democratízase drasticamente a creación e emisión de todo tipo de contidos que xa non veñen principalmente das tradicionais industria culturais, se non de moitas fontes distintas.



5. Os autores, como todos os traballadores teñen dereito a vivir do seu traballo con novas ideas creativas, modelos de negocio e actividades relacionadas coas súas creacións. Tentar de soster con modificacións lexislativas unha industria anticuada que non sabe adaptarse a ese novo ambiente non é xusto nin realista. Se o seu modelo de negocio baséase no control das copias dos traballos e na Internet non é posíbel sen violar os dereitos fundamentais, haberán que atopar un outro modelo.



6. Cremos que as industrias culturais precisan para sobrevivir de alternativas modernas, eficaces, credíveles, accesíbeles e que atendan os novos usos sociais, en vez de limitacións tan esproporcionadas coma ineficaces para o fin que afirman perseguir.



7. Internet debe funcionar libremente e sen interferencias políticas patrocinadas por grupos que buscan perpetuar modelos de negocio obsoletos e impedir que o coñecemento humano siga sindo libre.



8. Demandamos que o Goberno asegure por lei a neutralidade da rede en España, ante calquera presión que poda ocorrer, como un marco para o desenvolvemento dunha economía realista e sustentábel para o futuro.



9. Propoñemos unha reforma real dos dereitos de propiedade intelectual co fin de: retornar á sociedade o coñecemento, impulsar o dominio público e limitar os abusos das entidades xestoras.



10. Nunha democracia as leis e as súas modificacións deben ser aprobadas despois do debido debate público e de ter consultadas todas as partes implicadas. É inaceptable que se fagan modificacións lexislativas que afectan os dereitos fundamentais nunha lei non orgánica e que trata de outro tema.

Copiado de Microsiervos

Que é peor pornografía ou mortes?

Xa o vin onte nos informativos de Telecinco e pensei o mesmo, e hoxe leo a nova, pois inda que non o queirades velai tedes a miña reflexión

Se eu quero que os meus fillos vexan un espectáculo porno é o meu problema, coido que con iso non lles fago mal a lo menos físico, e psicolóxico, bueno supoño que é mellor que vexan ese espectáculo a que vexan o telediario de T5 ou calqueira outro no que se falan de mortos coma quen come patacas e ás veces botan escenas realmente escabrosas e xa non se preocupan nin de avisar. É peor que os teus fillos vexan porno que ver a un delincuente cobrar cartos por contar a súa vida amorosa sen facerlle ningunha pregunta sobor do seus múltiples delitos porque así o estipulou nun contrato? É peor que os teus fillos vexan porno ca ver coma matan a un animal nun suposto arte? Ao mellor se os nosos fillos viran máis porno non habería tantas mortes por violencia doméstica producto dunha educación rancia e caduca que se reflicte nos anuncios que podemos ver na televisión día a día ...

En definitiva coido que os que están a criticar esta "festa" non foron a ela, co que non teñen porque protestar, e se protestan os que foron, pois son parvos por levar aos seus fillos ou por non ter fillos e dicirlle ao resto coma teñen que educalos

Manifiesto "En defensa de los derechos fundamentales en internet"

Ante la inclusión en el Anteproyecto de Ley de Economía sostenible de modificaciones legislativas que afectan al libre ejercicio de las libertades de expresión, información y el derecho de acceso a la cultura a través de Internet, los periodistas, bloggers, usuarios, profesionales y creadores de Internet manifestamos nuestra firme oposición al proyecto, y declaramos que:

1. Los derechos de autor no pueden situarse por encima de los derechos fundamentales de los ciudadanos, como el derecho a la privacidad, a la seguridad, a la presunción de inocencia, a la tutela judicial efectiva y a la libertad de expresión.
2. La suspensión de derechos fundamentales es y debe seguir siendo competencia exclusiva del poder judicial. Ni un cierre sin sentencia. Este anteproyecto, en contra de lo establecido en el artículo 20.5 de la Constitución, pone en manos de un órgano no judicial -un organismo dependiente del ministerio de Cultura-, la potestad de impedir a los ciudadanos españoles el acceso a cualquier página web.
3. La nueva legislación creará inseguridad jurídica en todo el sector tecnológico español, perjudicando uno de los pocos campos de desarrollo y futuro de nuestra economía, entorpeciendo la creación de empresas, introduciendo trabas a la libre competencia y ralentizando su proyección internacional.
4. La nueva legislación propuesta amenaza a los nuevos creadores y entorpece la creación cultural. Con Internet y los sucesivos avances tecnológicos se ha democratizado extraordinariamente la creación y emisión de contenidos de todo tipo, que ya no provienen prevalentemente de las industrias culturales tradicionales, sino de multitud de fuentes diferentes.
5. Los autores, como todos los trabajadores, tienen derecho a vivir de su trabajo con nuevas ideas creativas, modelos de negocio y actividades asociadas a sus creaciones. Intentar sostener con cambios legislativos a una industria obsoleta que no sabe adaptarse a este nuevo entorno no es ni justo ni realista. Si su modelo de negocio se basaba en el control de las copias de las obras y en Internet no es posible sin vulnerar derechos fundamentales, deberían buscar otro modelo.
6. Consideramos que las industrias culturales necesitan para sobrevivir alternativas modernas, eficaces, creíbles y asequibles y que se adecuen a los nuevos usos sociales, en lugar de limitaciones tan desproporcionadas como ineficaces para el fin que dicen perseguir.
7. Internet debe funcionar de forma libre y sin interferencias políticas auspiciadas por sectores que pretenden perpetuar obsoletos modelos de negocio e imposibilitar que el saber humano siga siendo libre.
8. Exigimos que el Gobierno garantice por ley la neutralidad de la Red en España, ante cualquier presión que pueda producirse, como marco para el desarrollo de una economía sostenible y realista de cara al futuro.
9. Proponemos una verdadera reforma del derecho de propiedad intelectual orientada a su fin: devolver a la sociedad el conocimiento, promover el dominio público y limitar los abusos de las entidades gestoras.
10. En democracia las leyes y sus modificaciones deben aprobarse tras el oportuno debate público y habiendo consultado previamente a todas las partes implicadas. No es de recibo que se realicen cambios legislativos que afectan a derechos fundamentales en una ley no orgánica y que versa sobre otra materia.

Que é peor pornografía ou mortes?

Xa o vin onte nos informativos de Telecinco e pensei o mesmo, e hoxe leo a nova, pois inda que non o queirades velai tedes a miña reflexión

Se eu quero que os meus fillos vexan un espectáculo porno é o meu problema, coido que con iso non lles fago mal a lo menos físico, e psicolóxico, bueno supoño que é mellor que vexan ese espectáculo a que vexan o telediario de T5 ou calqueira outro no que se falan de mortos coma quen come patacas e ás veces botan escenas realmente escabrosas e xa non se preocupan nin de avisar. É peor que os teus fillos vexan porno que ver a un delincuente cobrar cartos por contar a súa vida amorosa sen facerlle ningunha pregunta sobor do seus múltiples delitos porque así o estipulou nun contrato? É peor que os teus fillos vexan porno ca ver coma matan a un animal nun suposto arte? Ao mellor se os nosos fillos viran máis porno non habería tantas mortes por violencia doméstica producto dunha educación rancia e caduca que se reflicte nos anuncios que podemos ver na televisión día a día ...

En definitiva coido que os que están a criticar esta "festa" non foron a ela, co que non teñen porque protestar, e se protestan os que foron, pois son parvos por levar aos seus fillos ou por non ter fillos e dicirlle ao resto coma teñen que educalos

Eu prefiro VO e ti?

Ultimamente están moi de moda as series, teñen a calidade de moitas películas e duran máis, non o capitulo máis si a serie, e estou enganchado a algunhas delas, Perdidos, Heroes, House, The IT Crowd, The Big Bang Theory e outras ás que me engancha á miña muller. Gústanme moito e cada unha é diferente e interesante, a primeira destas á que me enganchei foi Perdidos, logo House, logo uns compañeiros de master me falaron dunha serie de informáticos que estaba moi ben, pero que non se podía ver en España e da que so había unha tempada, falaban de The IT Crowd, picoume a curiosidade e decidinme a baixala inda que fora en inglés (non teño mal nivel pero impúñame algo de respeto), iso sí con subtítulos, e púxenme a vela, nunha tarde vinme enteira a primeira tempada e cando a miña muller chegou a casa e estaba a chorar coa risa, a ela picoulle a curiosidade e púxose a vela conmigo e tamén escachaba coa risa. Logo entereime de que seguían a grabar tempadas e baixeinas e vímolas en V.O.S.

O resto de series seguía a velas dobradas en castelán, ata que na quinta tempada de Perdidos estaban tan enganchado e con tanto mono de ver o que ía pasar que decidínme a baixala en VO, fíxeno e o mundo xa nunca foi igual, as voces tórnanse poderosas, con personalidade, axeitadas ao personaxe, os diálogos teñen máis senso, hai detalles que doutro xeito os perdes (é moi difícil traducir directamente dun idioma ao outro sen perder xogos de palabras e demáis), logo de Perdidos seguín con Heroes, posteriormente House, xa dende o principio con Flash Forward (por certo agora se me coincide de vela en castelán non soporto escoitar a doblaxe de Joseph Fiennes, é moi mala), tamén comezamos a ver V en VO e a verdade é que non nos arrepentimos, coido que se gaña moito ao ver as series tal e como foron concebidas. Eu xa estou vendo tamén as películas en versión orixinal e a miña muller xa me di que incluso sen ler os subtítulos está a comezar a entender frases enteiras, ¿e ti porque non te apuntas?

Se queres baixar series e películas en VO pásate por esta web, está moi ben e é moi sinxelo baixar as series e as películas

PD: off-topic, hoxe vendo o oitavo capítulo de Flash Forward dinme conta do acostumados que estamos a certos efectos sonoros, un coche vai polo deserto e as rodas fan ruido de derrape coma se estivesen no asfalto, e a verdade é que non te sorprende escoitalo, é un problema do ouvinte ou do que pon os efectos sonoros que non se preocupa de cambialo axeitadamente?